Мэдээ, мэдээлэл

×

Error message

Notice: Undefined index: placeholder in mailchimp_signup_subscribe_form() (line 333 of /home/irgenfes/public_html/sites/all/modules/mailchimp/modules/mailchimp_signup/mailchimp_signup.module).

Швейцарын хөгжлийн агентлаг, Дэлхийн банкны хамтарсан санхүүжилттай “МОНГОЛ УЛСАД НИЙГМИЙН ЭГЭХ ХАРИУЦЛАГЫГ БЭХЖҮҮЛЭХ” төслийг Монгол Улсын Засгийн газартай хамтран 2015-2019 онд 10 аймаг (Ховд, Увс, Говь-Алтай, Өвөрхангай, Сэлэнгэ, Хөвсгөл, Говьсүмбэр, Хэнтий, Сүхбаатар, Дорнод), нийслэлийн 3 дүүрэгт (Сонгинохайрхан, Баянзүрх, Чингэлтэй) төр, иргэний нийгмийн байгууллагын хамтын ажиллагааг бэхжүүлэх замаар төрийн үйлчилгээний чанар, хүртээмжийг сайжруулах зорилгоор хэрэгжүүлж байна.

Монгол улсад нийгмийн эгэх хариуцлагыг бэхжүүлэх (MУНЭХБ) төслийн хүрээнд хийгдсэн 10 аймгийн Дэд төслийн хэрэгжилтэд хийсэн Хөндлөнгийн үнэлгээний тайланг танилцуулахад бэлэн болсноо мэдэгдэхэд таатай байна. Та бүхний хэрэгцээнд ашиглагдах боломжтой тул сонирхон уншина уу.

Швейцарийн хөгжлийн агентлаг болон Дэлхийн Банкны хамтарсан дэмжлэгтэй Монгол Улсад Нийгмийн Эгэх Хариуцлагыг Бэхжүүлэх төслийн хүрээнд өнгөрсөн 2017 онд 10 аймагт эрүүл мэнд, боловсролын салбарт дэд төслүүд амжилттай хэрэгжүүллээ.

 “Нийгмийн Эгэх хариуцлагыг Бэхжүүлэх нь" төслийн хүрээнд Дорнод аймагт  “Эмзэг бүлгийн иргэдэд үзүүлэх эмнэлэгийн тусламж үйлчилгээний хүртээмжийг сайжруулах” чиглэлээр дэд төслийг амжилттай хэрэгжүүлж дууслаа. Төсөл хэрэгжсэнээр Хэрлэн сумын 1, 2, 8-р багуудын эмзэг бүлгийн иргэдийн эмнэлэгийн тусламж үйлчилгээнд хамрагдах боломжийг нэмэгдүүлж, орон нутгийн төрийн бус байгууллагууд болон иргэдэд эрүүл мэндийн үйлчилгээний хүртээмжийг үнэлэх чадавх эзэмшүүлсэн.

Дорнод аймаг дахь Политехник коллеж Хөдөлмөр, эрүүл мэнд, аюулгүй байдлын удирдлагын тогтолцоо OHSAS 18001:2007 олон улсын стандартыг "Хангасан" хэрэгжүүлэгч байгууллага боллоо.  Австрали, Шинэ зеландад төвтэй Энэтхэг улсын MS Sertification services PVT. Ltd компани олон улсын түвшний аудит хийж баталгаажуулав. Тус коллеж нь Нийгмийн хариуцлагын стандартыг хэрэгжүүлэгч Монгол улсын анхны төрийн бөгөөд боловсролын үйлчилгээний байгууллага болсон байна.

 

Дэлхийн банкны захиалгаар “Нийгмийн эгэх хариуцлага” сэдэвт тэтгэлэгт богино хугацааны сургалтыг 2017 оны 11 дүгээр сард хоёр удаа Удирдлагын Академи дээр зохион байгуулах гэж байна. Уг сургалтын тэтгэлэгт сургалтын төлбөр, нийтийн тээвэр (автобус, галт тэрэг)-ийн зардал, өдрийн хоол багтсан болно.

Сургалтын үндсэн зорилго нь:

Швейцарийн хөгжлийн агентлаг, Дэлхийн банкны “МУ-д нийгмийн эгэх хариуцлагыг бэхжүүлэх” төслийн хүрээнд Эмнэлэгийн тусламж үйлчилгээний чанар, хүртээмжийн талаар Дорнод аймгийн Хэрлэн сумын 1,2,8-р багийн 234 иргэдээс авсан онооны картын давтан үнэлгээний дүнг танилцуулах, үйлчилгээг сайжруулах төлөвлөгөөний дагуу хийсэн ажлын үр дүнг баталгаажуулах зорилгоор төслийн “ҮР ДҮНГИЙН ТАЙЛАН-УУЛЗАЛТ”-ын ажиллагаа 2017 оны 09-р сарын 14-ний өдрийн 14:00-17:00 цагийн хооронд Аймгийн ЗДТГ-ын хурлын зааланд боллоо.

“Нийгмийн эгэх хариуцлагыг бэхжүүлэх төслийн хүрээнд “Зорилтот бүлгийн иргэдийн эмнэлэгийн тусламж үйлчилгээг нэмэгдүүлэх” төсөл Дорнод аймгийн Хэрлэн сумын 1,2,8-р багуудад 2017 оны  4 -р сарын 1-ны өдрөөс эхлэн  хэрэгжиж байгаа билээ.

Төслийн багаас өчигдөр/2017-09-04/ Хэрлэн сумын дээрх багуудад Давтан үнэлгээг хийлгэв.  Эмнэлгийн үйлчилгээний хүртээмжид  ДАВТАН ҮНЭЛГЭЭ хийснээр үйлчилгээнд гарсан ахиц, өөрчлөлтийн нөхцөл, шалтгааныг хэлэлцэх, баримтжуулах, үйлчилгээг сайжруулах цаашдын төлөвлөгөөнд нэмэлт өөрчлөлтийг хийхэд ашиглагдах юм.

Дэлхийн Банк, Швейцарын Хөгжлийн Агентлагын санхүүжилтээр Дорнод аймагт хэрэгжиж буй “Монгол улсад Нийгмийн эгэх хариуцлагыг бэхжүүлэх нь” төслийн хүрээнд “Таны төлөө” нээлттэй хаалганы өдөрлөгийн ажиллагаа 08 дугаар сарын 04 -ний өдөр "Тусгаар тогтнолын талбай"-д амжилттай болж өнгөрлөө. Өдөрлөгийн ажиллагааг амжилттай зохион байгуулсан Аймгийн ЗДТГазар, Бүсийн оношлогоо эмчилгээний төвийн хамт олонд талархал илэрхийлье. Үдээс хойш болсон ч хүмүүсийн цуваа тасраагүй л байв. Ийм үйл ажиллагаа эрэлт хэрэгцээтэй байгаа гэдэг нь харагдаж байна.