Төслийг хамтран хэрэгжүүлэгч орон нутгийн төрийн бус байгууллагуудын сургалт-зөвлөгөөн боллоо

Монгол Улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь (МАСАМ II) төслийн хоёрдугаар үе шатыг Глоб Интернэшнл төвтэй хамтран хэрэгжүүлэгч орон нутгийн төрийн бус байгууллагуудад зориулсан сургалт зөвлөгөөн 2022 оны 12 сарын 7,8-ны өдрүүдэд боллоо. Сургалтад төслийн зорилтот аймаг дүүргүүд болох Архангай, Булган, Дархан-Уул, Хөвсгөл, Орхон, Төв, Дорноговь, Дорнод, Сүхбаатар, Сэлэнгэ болон Багануур, Налайх, Сонгинохайрхан дүүргүүдийн төрийн бус байгууллагууд оролцлоо. 

Энэхүү сургалт зөвлөгөөний гол зорилго нь орон нутгийн ТББ-ууд харилцан туршлага солилцох, цаашдын ажлын төлөвлөгөөг хэлэлцэх,  нийгмийн эгэх хариуцлагыг хэрэгжүүлэх аргачлалуудыг эзэмших, хэрэгжүүлэх төлөвлөгөө гаргах ажлын хүрээнд уулзалтыг зохион байгууллаа. 

Төслийн хоёрдугаар шатны хэрэгжилт 2022 оны 6 сарын 30-ныг хүртэл үргэлжлэх бөгөөд төсвийн ил тод байдал, улсын төсвийн хөрөнгө оруулалт, аймаг дүүргийн төсвийн хөрөнгө оруулалтад иргэд, иргэний нийгмийн байгууллагын хяналт оролцоог нэмэгдүүлэх төр,  төрийн бус байгууллага болон олон талт хамтын оролцоог бий болгоход чиглэгдэж байна. 

Төслийн хүрээнд нийгмийн эгэх хариуцлагын бэхжүүлэх үндсэн зорилгын хүрээнд дөрвөн аргачлалыг төсөл хэрэгжүүлэгч нэгжүүд боловсруулсан бөгөөд цаашид эдгээр аргачлалыг төрийн бус байгууллагуудаар дамжуулан орон нутагт нутагшуулах, ил тод байдалд  иргэд олон нийтийг оролцоог нэмэгдүүлэхийг зорьж байна. 

Аргачлалууд: 

-      Улс, орон нутгийн төсвийн болон орон нутгийн хөгжлийн сангийн хөрөнгөөр хэрэгжиж буй хөрөнгө оруулалтын төсөлд иргэдийн оролцоотой хяналт, үнэлгээ хийх аргачлал

- Сайн эмнэлэг- Сэтгэлд нийцсэн үйлчилгээ 

- Иргэдийн дуу хоолой түүний үр нөлөө

- Өрхийн эрүүл мэндийн төвийн гүйцэтгэлийн үнэлгээнд хөндлөнгийн үнэлгээ хийх нь

Монгол Улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь (МАСАМ II) төслийн хүрээнд боловсруулагдаж буй улсын төсвийн хөрөнгө оруулалтын талаарх иргэдийн ойлголт мэдлэгийг нэмэгдүүлэх платформууд болон түүнийг бодит хэрэглээнд нэвтрүүлэх стратегийг хамтран боловсруулсан нь уг үйл ажиллагааны гол зорилго байлаа.