ТӨРИЙН БАЙГУУЛЛАГУУД ХӨГЖЛИЙН БЭРХШЭЭЛТЭЙ ИРГЭДИЙН ШААРДЛАГАД НИЙЦСЭН ЭЭЛТЭЙ ОРЧНЫГ БҮРДҮҮЛЭХЭЭР БОЛОВ.

Хонгорын Зөн ТББ нь аймгийн иргэдийн төлөөлөгчдийн хурлын даргын 23-р тоот захирамжаар "ИРГЭДИЙН ОРОЛЦООТОЙ ХЯНАЛТЫН БҮЛЭГ"-ийг байгуулан чадавхжуулж, улмаар Баянхонгор аймгийн Баянхонгор сумын төрийн болон хувийн хэвшлийн нийт 46 байгууллагын барилга байгууламж нь хөгжлийн бэрхшээлтэй иргэдэд хүртээмжтэй байгаа эсэхийг 10 шалгуур үзүүлэлтийг боловсруулан үнэлсэн. Үнэлгээний үр дүнд нийт 46 байгууллагаас 10 шалгуур үзүүлэлтийг бүрэн хангасан байгууллага байгаагүй бөгөөд нийт үнэлгээ хийсэн байгууллагуудын 82% нь “ХҮРТЭЭМЖГҮЙ” байна хэмээн үнэлэгдлээ. Үнэлгээний үр дүнг орон нутгийн шийдвэр гаргах түвшний төлөөллүүд, иргэний нийгмийн байгууллага, иргэдийн төлөөллүүдэд танилцуулах, сайжруулах ажлын төлөвлөлт боловсруулах “Нүүр тулсан уулзалт”-ыг зохион байгууллаа. Уулзалтаар дэд бүтцийн хүртээмжтэй байдлыг сайжруулах чиглэлд хэлэлцүүлэг өрнөж, дараах ажлуудыг хэрэгжүүлхээр ажлын төлөвлөлтийг боловсруулсан. Үүнд: Барилга хүлээж авах улсын комисст ХБИ болон ИНБ-ын тодорхой нэр бүхий хүмүүсийг оруулах талаар албан тоотыг аймгийн ГХБХБГ-ын албанд хүргүүлэх Зураг төсөв хүлээж авах эрүүл ахуйн дүгнэлт гаргах байцаагчтай хамтран ажиллаж барилгын зураг төсөв дээр хяналт тавих Мэргэжлийн хүмүүсийн бүрэлдэхүүнтэй “Зөвлөх баг”-ийг байгуулах /Дэд бүтцийн хүртээмжийг сайжруулах, хандлагын хүртээмжийг дэмжих чиглэлд жишиг байгууллага байгуулах удирдамж боловсруулах/ Бүх байгууллагыг стандарт хангасан налуу зам, явган зам, барилгын орц гарц, ариун цэврийн өрөөтэй болгох чиглэл өгөх Аймагт үйл ажиллагаа явуулж буй барилгын компаниудын дэмжлэгийг авч, нэг байгууллагыг сонгон авч жишиг болгон засварлах талаар барилгын компаниудад санал хүргүүлэх