Орон нутгийн ТББ-ууд нийгмийн эгэх хариуцлагын тухай мэдлэг, ойлголтыг нэмэгдүүлэх зорилгоор сургалт, хэлэлцүүлэг зохион байгуулав.

МАСАМ II төслийн хүрээнд хамтран ажиллаж буй орон нутгийн ТББ-ууд санаачлан нийгмийн эгэх хариуцлагын тухай мэдлэг, ойлголтыг нэмэгдүүлэх зорилгоор сургалт, хэлэлцүүлэг зохион байгуулсан байна. Булган аймагт 10 байгууллагын 50 орчим хүн, Хөвсгөл аймагт 32 хүн, Сэлэнгэ аймагт 80 хүн, Багануур дүүрэгт зохион байгуулсан сургалтад нийт 242 хүн хамрагдсан бол Орхон болон Архангай аймагт хийсэн хэлэлцүүлэг, өдөрлөгт 55 иргэн оролцжээ. 

Багануур дүүргийн ТББ-ууд иргэдэд МАСАМ II төслийн талаар ойлголт өгөх сургалтыг “Нийгмийн эгэх хариуцлага” болон “Төсвийн ил тод байдал” сэдвүүдээр зохион байгуулсан. Багануур дүүргийн 1-р хорооны иргэд болон хорооны нутаг дэвсгэрт үйл ажиллагаа явуулдаг Цагдаагийн хэлтэс, Гүн галуутай цогцолбор сургууль, 193, 235 дугаар цэцэрлэгүүд, таксины үйлчилгээ эрхэлдэг Буянт хөлгийн жолоо ХХК-ийн жолооч нарт болон СӨХ-ны ажилчдад нийт 10 удаагийн сургалт явуулсан. Мөн сургалт болгоны төгсгөлд тухайн үед явагдаж байсан ОНХС-ын саналд иргэдийг саналаа өгөхыг уриалж байв. 

Булган аймгийн ТББ-ууд төсвийн хөрөнгө оруулалтын үе шатуудад ил тод, нээлттэй байдлыг хангахад иргэн, төр, ИНБ-ын бүтээлч түншлэлийг нэмэгдүүлэх зорилгоор хамтарсан ажлын хэсэг байгуулж, төлөвлөгөө гарган хэрэгжилтийг ханган ажилласан. Энэ хүрээнд Булган сумын 6 баг дээр Иргэдийн хяналтын бүлгийн гишүүдийг багийн ЗД, ИТХ-ын төлөөлөгчид, иргэдтэй санал солилцон 30 хүнийг сонгосон ба Иргэдийн хяналтын бүлгийн гишүүдээ чадавхжуулах зорилгоор нийгмийн эгэх хариуцлага, түүний мөн чанар, Шилэн данс, Орон нутгийн хөгжлийн сангийн болон төсвийн хөрөнгө оруулалтаар хийсэн ажилд иргэдийн оролцооны ач холбогдолын талаар сургалт зохион байгуулав. 

Хөвсгөл аймагт Сайн эмнэлэг-Сэтгэлд нийцсэн үйлчилгээ аргачлалыг хэрэгжүүлэх хамтарсан багийн ойлголт нэгтгэх сургалтыг Аймгийн ЗДТГ-ын НБХ-ийн мэргэжилтэн, ЭМГ-ын хэлтсийн дарга, мэргэжилтэн, аймгийн ИТХ-ын төлөөлөгч, сумын ИТХ-ын төлөөлөгч, багийн Засаг дарга, ӨЭМТ-ийн төлөөлөл, ТББ-ын төлөөлөл, иргэд зэрэгт нийт 32 оролцогчдыг хамруулан зохион байгуулсан. 

Сэлэнгэ аймгийн төслийн баг болох “Эерэг өөрчлөлтийг хамтдаа”, “ Сурагчийн хөтөч” ТББ-ууд нь Аймгийн хөрөнгө оруулалт, хөгжлийн бодлогын хэлтэс, худалдан авах ажиллагааны мэргэжилтэнийг оролцуулан Боргүвээ 5-р багийн 80 иргэдэд “Худалдан авах үйл ажиллагаанд иргэд хэрхэн оролцох, ОХНС-п иргэдийн оролцоо, Иргэдийн оролцоо ба нөлөөлөл” зэрэг сэдвүүдээр сургалт зохион байгуулсан. 

Булган аймгийн вебсайт 

http://bulgan.khural.mn/

Khuvsgul Aimag’s Health Department

https://www.facebook.com/Khuvsgulemg/posts/pfbid0386i8UN5P4tUCT6rmsDEzdNj633bZmyujc722gKYYNa4XjdKRtAbn1peUQH3ZRGedl

https://www.facebook.com/groups/542495237067895