Б. Зандраа, Өмнөговь аймгийн өндөр настан

“Монгол Улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь” буюу МАСАМ II төслийн хүрээнд “Төсвийн үйл явцад нийгмийн эгэх хариуцлагын ойлголт, арга хэрэгслүүдийг ашиглах нь” Өмнөговь аймгийн Даланзадгад суманд 12-р сарын 07-08 хооронд зохион байгуулагдсан сургалтад оролцсон Иргэний нийгмийн байгууллага болон иргэдийн төлөөлөлийн сэтгэгдлээс...

Бүх насны иргэдийн төлөөллийг оролцуулсан сайхан сургалт боллоо. Иргэд идэвхтэй оролцож байж нийгмийн эгэх хариуцлага хөгжих боломжтой гэдгийг их сайн ойлголоо. Мөн улсын төсөв, төсвийн хөрөнгө оруулалтын талаар их зүйлсийг олж мэдлээ. Миний хувьд төрд олон жил удирдах алба хашиж явсан, одоо өндөр насны тэтгэвэрт байдаг. Төсвийн талаар мэддэг байсан ч энэ сургалтад оролцсоноор мэдлэг маань их цэгцтэй, системтэй боллоо. Ялангуяа төсвийн цагалбарын аль шатанд иргэд оролцож саналаа өгөх, саналаа өгөөд орхих биш цаашид гарч буй шийдвэр бүрд иргэд мөн хяналт тавьж оролцох хэрэгтэйг ойлголоо.