Л.Ширчинсүрэн, Дундговь амйгийн уламжлалт анагаах ухааны төвийн дарга

“Монгол Улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь” буюу МАСАМ II төслийн хүрээнд “Төсвийн үйл явцад нийгмийн эгэх хариуцлагын ойлголт, арга хэрэгслүүдийг ашиглах нь” Дундговь аймагт 12-р сарын 09-10 хооронд зохион байгуулагдсан сургалтад оролцсон төрийн байгууллагын төлөөлөлийн сэтгэгдлээс...

Би төрийн албан хаагчийн хувьд маш олон мэргэжлийн чиглэлийн сургалтад хамрагдаж ирсэн. Гэхдээ энэ сургалт маш өвөрмөц сургалт байлаа. Анх сургалтад суухаар ирэхдээ миний хувьд нийгмийн эгэх хариуцлага гэдэг талаар ойлголт байхгүй эргэх гэдэг үгийн 'р' үсгийн гээгээд биччихсэн юм болов уу ч гэж бодож байснаа нуухыг хүсэхгүй байна. Харин хоёр өдрийн сургалтад сууснаар их зүйлийг олж мэдлээ. Төрийн байгууллагууд иргэдтэйгээ үр дүнтэйгээр хамтран ажиллаж, ил тод нээлттэй байх ёстойг сайтар ойлгож авлаа. Төд хэдийгээр нээлттэй, ил тод байхыг хичээж маш олон ажлыг хийж байгаа боловч иргэддээ тэр ажлаа мэдээлэх талаар дутагдалтай байгаа нь харагдаж байна. Бид мэдээллийг иргэдэд ойлгомжтой, хүртээмжтэй хүргэх тал дээр түлхүү ажиллах хэрэгтэйг харлаа. Тэр олон цахим хуудас, шилэн данс, ил тод байдал, төсвийн хөрөнгө оруулалтын цахим мэдээллүүд иргэдэд бараг хүрдэггүй болохыг мэдээд их гайхлаа. Энэ сургалтаас иргэн, төр хоёр хэрхэн үр дүнтэй хамтран ажиллаж болох вэ гэдэг талаарх мэдлэгийг олж авсан нь гол ололт байлаа. Та бүхэнд баярлалаа