“Иргэдийн дуу хоолой ба түүний үр нөлөө” аргачлалаар иргэний нийгмийн байгууллагуудыг чадавхжууллаа.

ДЗМОУБ төрөөс үзүүлж буй суурь үйлчилгээ болох боловсрол, эрүүл мэндийн үйлчилгээний чанар хүртээмжийг сайжруулах зорилгоор хэрэгжүүлж буй “Иргэдийн дуу хоолой ба түүний үр нөлөө” аргачлалаар иргэний нийгмийн байгууллагуудыг чадавхжууллаа.

Энэхүү аргачлал нь төрөөс үзүүлж буй үйлчилгээтэй холбоотой бодлого журмын талаар шаардлагатай мэдээллүүдийг иргэдэд ойлгуулж, өдөр тутам чанартай үйлчилгээг төрөөс авч чадаж байгаа эсэхийг нь арга зүйгээр үнэлдэг. Хэрвээ иргэд төрөөс үзүүлж буй суурь үйлчилгээгээ авч чадахгүй байгаа бол яг ямар үйлчилгээг авч чадахгүй байна, яагаад авч чадахгүй байна, хэрхэн сайжруулах вэ? гэсэн чиглэлд анхааран ажиллаж асуудлын шалтгааны тодруулан төр, иргэд хамтдаа шийдлийг хайхад чиглүүлдэг аргчлал юм.

Энэхүү аргачлалыг 4 иргэний нийгмийн байгууллагууд Ховд, Говь-Алтай, Баянхонгор, Хан-Уул дүүрэгт амжилттай хэрэгжүүлж эрүүл мэндийн анхан шатны үйлчилгээнд тулгамдаж буй асуудлыг иргэдийн оролцоотойгоор илрүүлэн шийдвэр гаргагчдад танилцуулж, бодит шийдэл, үр дүнд хүрч чадлаа.