ДЗМОУБ: Эрүүл мэндийн салбар дахь нийгмийн эгэх хариуцлагын санаачлага

ЭМАШТҮ-ний чанар хүртээмжийг сайжруулах чиглэлээр 10 орон нутагт 14 иргэний нийгмийн байгууллага санаачлага гарган ажиллаа. Ингэхдээ иргэдийн дуу хоолой ба түүний үр нөлөө аргачлал, иргэдийн дунд үнэлгээ хийх, сэтгэл ханамжийн судалгаа авах, бодлогын баримт дүн шинжилгээ хийх зэргээр ажиллаж, эрүүл мэндийн анхан шатны үйлчилгээг үзүүлэхэд тулгамдаж буй асуудлыг эрэмбэлэн, иргэдийн оролцоотойгоор шийдвэр гаргах түвшний төлөөлөл, холбогдох албан тушаалтнуудад танилцуулаа. Үүний үр дүнд 10 ӨЭМТ-ийн үйлчилгээний чанар хүртээмжийг сайжруулахад бодит хувь нэмэр оруулж, үйлчлэх хүрээний 80000 орчим иргэд чанартай, хүртээмжтэй тусламж үйлчилгээг авах боломж бүрдсэн.

Онцлох үр дүнгүүд:

• Нийт 2 орон нутагт стандартад нийцсэн ӨЭМТ шинээр байгуулахаар болсон.

• 4 орон нутагт ӨЭМТ-ийн байрны өргөтгөл, засварын ажлыг орон нутгийн төсөвт суулгасан.

• Баянзүрх дүүрэгт ӨЭМТ-ийн байрны түрээсийг 70:30%-иар төрөөс даах боломжийг хайж байна.

• 6 орон нутгийн ӨЭМТ нь нэн шаардлагатай тоног төхөөрөмжүүдээр хангагдахаар болсон.

• Завхан, Увс, Ховд аймгуудад угтах үйлчилгээний ажилтан, НЭМ-ийн ажилтан, дүн бүртгэгчийн орон тоог нэмэгдүүлж 4 ажлын байр бий болгосон.

• Орон нутаг бүрт ЭМГ болон орон нутгаас эмч нарыг үе шаттайгаар чадавхжуулах сургалтуудад хамруулахаар төлөвлөгөөндөө тусгасан.

• 3авхан, Увс, Өвөрхангай аймгуудад ӨЭМТ-ийн гүйцэтгэлийн үнэлгээний багт ИНБ-ууд болон иргэдийн төлөөлөл тогтмол орж ажиллахаар боллоо.

• Мэдээллийн ил тод байдлыг нэмэгдүүлэх хүрээнд цахим хуудсыг хөгжүүлэх, шилэн дансанд мэдээллээ оруулах, мэдээллийн самбарыг тогтмол ажиллуулах зэрэг ажлуудыг ӨЭМТ-үүд төлөвлөгөөндөө тусгасан.

• 3 ӨЭМТ уламжлалт нөхөн сэргээх эмчилгээ, эхо үзлэг, хүүхдийн эмчтэй болох зэргээр үйлчилгээнийхээ төрлийг нэмэгдүүлсэн.